Heroldsbaai

Die strandoordjie was aanvanklik deel van die plaas Brakfontein, toe eiendom van Dirk Lamprecht en later van Frans Gericke. Laasgenoemde se afstammelinge het nog belange in die omgewing. Alhoewel dit eers as Sandstrand bekend was, is dit in 1823 na die eerste dominee op George, Tobias Johannes Herold, ‘n ywerige hengelaar, vernoem. Aanvanklik was dit hoofsaaklik George en direkte omgewing se mense wat hier kampeer het. Later is hulle gevolg deur ‘n klompie van Oudtshoorn (en veral die Kamanassie). Oompie Meyer en John Urban, beide gesiene inwoners van George, neem in 1904 die taak op hulle om klein erwe af te baken vir die vakansiegangers se tente, waens en afdakke. Boumateriaal is afgelewer op sleĆ« getrek deur muile. Die eerste vakansiehuis word in 1895 vir Matilda Howitson van Blanco gebou. Dit was die eerste tree in die ontwikkeling van ‘n formele vakansieoord. Voor 1928 was daar aan die westekant, Sandstrandweg, nog slegs een huis. Dit is die huis wes van die kerk en gebou vir die susters en meisies van die Kloosterskool op George. Die lys van die vroeĆ« besoekers en huiseienaars is ‘n lys van die name van al die vooraanstaandes van die tyd van die direkte omgewing. Die eerste permanente inwoner was ene Thompson. Hy was ‘n oorlewende van ‘n skeepsramp in 1920 en het hom vir agt jaar tuis gemaak in ‘n grot langs die strand.

Leave a Reply

Your email address will not be published. Required fields are marked *

Time limit is exhausted. Please reload the CAPTCHA.